الاقصى الشريف

- الأقصــــى - الأمير/ سعود بن خالد بن سعود الكبير
الأمير/سعود بن خالد بن سعود الكبير.
تزلـــزلي غيظ وغضب لله وارمي بالشـــــررْ

يالبيوت اللي احتمت في داخلي جـــــالك طَــرَاه

إطلعي مثل الرصاص اللي كما لــــون الجمر

في وجه من يمنع عباد الله عن ذكر وصــــــلاه

تَبَـتْ يدينــــك ياليهودي وأبشر بخزي وسقرْ

الخزي في الدنيا ويوم العرض ويلٍ للبغـــــــــاه

شاهت وجيه أهل الكفر واللي يحــفرونه قبر

أوّاه وين اللي يسوق النفس والأمّة وراه

تعيش يالأقصى عزيز ولا يهمّك من غـــــدر

جحافل الإيمان تحيى وأبشر بجيل الأبَــــاه

للــه درّ اللي يواجــه مدفع برميـة حجــــــر

يالله تجعــل رميتـــه نــار وجحيمِ للطغاة

علّمتنــا معنى الكفاح الحرّ والدنيا عبـــــــر

أشعلـــت في النفس الأبيّــة عزم مانلحق مــداه

ياأمة الاسلام والله ما بقي أيّة عــــــــــــذر

الى متى والضيم من صهيون ما يلقى جـــــزاه

إصعدي فوق السحاب وحوّلي مثل القـــدر

اضربي مثل الصــواعق فاز من ربي معــــــاه

ماقد خبرت إن المدافع ردّها طرس وحِبـر

المعتدي لابد ما يضرب لأجل نرضـي الإلــــــه

يهون من يرضى يعيش بذل ويموت بقهـر

ما يرحمــه تاريخ سطّــــــــر خيبته للي قــــراه

إما نعيش بعـزّ والرايــات تخفــق بالنصـر

وإلا اللحـــود المظلمة أبرك من أنفاس الحيـاة